Lifestyle sa Dubai

An ex officemate asked me, kung kamusta daw ang lifestyle sa Dubai? Pano ba i-explain yun. Eh sabi ko naman hindi ko pa masasagot ng maayos yun kasi wala pa naman akong work at mag-2 months palang naman ako dito. Pero sabi ko sige, i-base ko nalang sa observation ko sa mga tao dito, lalo na sa mga kasama ko sa bahay.

Nagsta-start ang linggo nila dito ng Sunday. Yun ang first working day ng week. So usually nagaattend ng mass ang mga tao after office hours. Kaya ang oras sa hapon ay 6:00 at 7:30 PM. Pag ganung oras, usually traffic ang mga daan malapit sa St. Mary's Church. Isa sa iilang catholic church dito. Makulit kasi walang crucifix sa labas ng simbahan, I don't know why. May mass din sa umaga para sa mga tanghali ang pasok sa opisina. Ang cool nga kasi may schedule pala para sa mass sa iba't ibang language. Arabic, French, Konkani, Malayalam, Malanakara Rite, Singhalis, Tamil, Urdu, at siyempre mawawala ba ang Tagalog. Kahit saang parte kaya ng mundo may Pinoy.

Madalas ang mga nagtratrabaho, nagluluto na the night before lalo na yung mga maaga umaalis dahil malayo ang lugar ng pinagtratrabahuan. Ayon din sa mga kwento nila, dito nalang sila natutong magluto. Ang katapat? Si Mr. Google para sa recipe ng nagustuhang putahe. Kaldereta, bicol express, sinigang, adobong bangus, and even crispy pata. Siyempre madami pang iba. Okay din kasi nagkalat ang maliit na supermarket at convenience store. Convenient ba kamo? Pag kulang ng ingridient ang adobo mo ng sibuyas, isang tawag ka lang. Pede ka kasi magpadeliver dito kahit ano at kahit ilan. Walang extra charge yun. Mapa isang kilong sibuyas pa yan o isang stick ng yosi, panalo diba?

Imbis na TGIF, TGIT. Thank God It's Thursday. Pagkakataon na ng mga taong gumimik. Either uumagahin sila or magsleep over saan man. Lalo ang Friday, happy happy din ang araw na yan. Tapos pag Saturday, pwede pa ding magmall. Nandyan ang Deira City Center, Dubai Mall kung saan makikita mo ng malapitan ang Burj Khalifa, Mall of the Emirates na isa sa mga malalaking malls, at Dubai Marina Mall. Kailangan mo lang i-make sure na nakapaglaba ka na sa automatic na washing machine, ilang clicks lang, tapos iwan mo. After 40 minutes, pwede ka na magsampay. At ang sinampay, after 2 hours tuyo na, maari ka nang mamalantsa. Diba ang bilis lang. After nun, konting walis at punas, larga na para sa lakwatsa mo.

Kung health concsious ka naman, may mga gym na pwede ka magenroll, like fitness first na hiwalay ang gym ng babae at lalaki. Kung nagtitipid naman, may mga malalapit ng parks at beaches na pwede ka magjogging or magbike. May track sila na pwede takbuhan at pwede magbike. Payong kaibigan lang, jog in the afternoon. Yung tipong papalubog na ang haring araw, kasi mainet talaga. Miski gabi mainet pa din. Hopefully mahangin pag nagbike ka or nagjogging. Malas mo kung walang hangin. Since nasa beach ka na, try mo na din ang magswim, masarap ang tubig. Brace yourself lang sa mga makikita mo. Ang mga babae kahit nagswiswim, nakabalot pa din. Yung mga lalaki naman, para bang buhok na tinubuan ng tao. Peace!

Ayan, based from my observation halos ganyan ang buhay nila dito. Tulad din siguro sa ibang bansa, kung OFW ka malaki maiipon mo kung di gano magastos ang lifestyle mo. Pero okay pa din yung paminsan minsan naeenjoy mo yung pinaghihirapan mo.